Туск: Інфармацыя з мяжы пацвярджае, што ЗША спынілі падтрымку Украіны
На пасяджэнні польскага ўрада прэм'ер-міністр краіны Дональд Туск пацвердзіў інфармацыю, што ЗША спынілі вайсковую падтрымку Украіны, і гэта тычыцца нават тых вайсковых грузаў, якія ўжо знаходзіліся ў дарозе да фронту, у тым ліку на тэрыторыі Польшчы.
«Справаздачы, якія паступаюць з мяжы, з нашага хаба ў Ясёнцы, пацвярджаюць заявы амерыканскага боку», — сказаў Туск.
У ноч з панядзелка на аўторак па польскім часе Белы дом абвясціў, што прыпыняе ўсю вайсковую дапамогу для Украіны — у тым ліку тую, што транспартуецца ў гэтую краіну і захоўваецца на складах у Польшчы — «каб пераканацца, што яна спрыяе вырашэнню» канфлікту.
«Сітуацыя сур'ёзная, і мне не трэба нікога пераконваць, што яна патрабуе асаблівай канцэнтрацыі з боку ўрада, — сказаў Дональд Туск у пачатку пасяджэння ўрада 4 сакавіка. —
Мы будзем прымаць рашэнні, якія запатрабуюць поўнай салідарнасці дзяржавы, вашых ведамстваў. Найбліжэйшыя дні і тыдні — гэта час, калі трэба прыпыніць бясплодныя дыскусіі, прэстыжныя спрэчкі і кааліцыйныя непаразуменні».
Паводле яго слоў, урад найбліжэйшым часам будзе прымаць рашэнні «ў надзвычайным рэжыме».
Туск падкрэсліў, што «няма ніякай прычыны» лічыць, што заявы амерыканскага боку — «толькі словы».
«Справаздачы, якія паступаюць з мяжы, з нашага хаба ў Ясёнцы, пацвярджаюць заявы амерыканскага боку. Гэта, вядома, ставіць Еўропу, Украіну і Польшчу ў больш складаную сітуацыю, але мы павінны справіцца з ёй», — заявіў польскі прэм'ер.
Марын Лё Пэн раскрытыкавала прыпыненне амерыканскай вайсковай дапамогі Украіне
Стала вядома, каго брытанцы лічаць вінаватым у сварцы Зяленскага з Трампам
Паўза ці канец? Што азначае рашэнне ЗША прыпыніць дапамогу Украіне
Кіраўнік Пентагона загадаў спыніць усе кібератакі супраць Расіі
Трамп прыпыніў усю вайсковую дапамогу Украіне
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу4
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары