Аўтапартрэт звязанага з Віцебскам мастака прадалі ўдвая вышэй ацэнкі. І гэта не Шагал
На вячэрнім аўкцыёне сучаснага мастацтва Sotheby's прадалі аўтапартрэт Лазара (Эля) Лісіцкага, аднаго з самых актыўных дзеячаў Віцебскага мастацкага руху УНОВІС, заўважыў Office Life.
Яго цынкаграфію на шаўковай тканіне ацэньвалі ў 500-750 тысяч даляраў, але па выніках аўкцыёну новы ўладальнік заплаціў за яе больш чым удвая даражэй — 1,14 мільёна даляраў.
Гэты аўтапартрэт Лісіцкі зрабіў у 1924 годзе. Ад іншага аўтапартрэту мастака, які захоўваецца ў Траццякоўскай галерэі, ён адрозніваецца дадатковымі элементамі.
Таксама на аўкцыёне спрабавалі прадаць «Калясніцу на зялёным небе» Марка Шагала. Яе кошт ацанілі ў 315-440 тысяч даляраў.
Лазар (Эль) Лісіцкі — савецкі яўрэйскі мастак, фатограф і архітэктар. Сумесна з Казімірам Малевічам ён распрацоўваў асновы супрэматызму. У 1919 годзе па запрашэнні Марка Шагала Лісіцкі на некаторы час пераехаў у Віцебск, дзе выкладаў у Народным мастацкім вучылішчы.
-
Выйшаў дапоўнены раман Алеся Пашкевіча пра Дубоўку
-
«Трэба крычаць, што мы ёсць, мы былі і працягваем існаваць». Тэатральны крытык Настасся Панкратава — пра сваю кнігу і беларускі тэатр да і пасля 2020 года
-
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну
Хто з палітвязняў выйшаў на свабоду 16 верасня ПОЎНЫ СПІС23
Каментары