Магутны землятрус з эпіцэнтрам у М’янме скалануў Паўднёва-Усходнюю Азію днём па мясцовым часе.
Асабліва моцна падземныя штуршкі адчулі жыхары сталіцы Тайланда — Бангкока. Паводле даных Геафізічнага даследчага цэнтра ў Патсдаме, магнітуда склала 7,4 бала, піша Bild.
У горадзе падчас землятрусу панавала паніка — людзі выбягалі на вуліцы. У дзелавым раёне Сілом у цэнтры Бангкока тысячы чалавек паспелі пакінуць будынкі.
«Людзі ў паніцы выбягалі з офісаў, крычалі, што ім трэба на вуліцу», — паведамляюць мясцовыя СМІ.
На месца адразу прыбылі ратавальнікі, якія заклікалі жыхароў заставацца пад адкрытым небам. З бальніц эвакуявалі пацыентаў, іх размясцілі проста на вуліцах, удалечыні ад будынкаў. Сур’ёзных разбурэнняў і пацярпелых пакуль не зафіксавана.
Цяпер чытаюць
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары