Расійскі рэпер Паша Тэхнік (сапраўднае імя Павел Іўлеў) памёр у бальніцы ў Тайландзе, паведаміла ягоная былая жонка. Апошні тыдзень 40-гадовы артыст знаходзіўся ў штучнай коме, у якую яго ўвялі тайскія медыкі пасля атручвання наркатычнымі рэчывамі.
Паша Тэхнік быў адной з ключавых фігур расійскага андэграўнднага хіп-хопа і быў вядомы задзірлівымі паводзінамі, звязаным з ужываннем псіхаактыўных рэчываў.
У апошнія гады залежнасць Пашы Тэхніка ад наркотыкаў стала асабліва прыкметная. У 2018 годзе ён праходзіў лячэнне ў наркалагічнай клініцы, а ў 2022-м перанёс кому пасля перадазіроўкі і быў падлучаны да апарата ШВЛ, але тады выжыў.
27 сакавіка 2025 года, знаходзячыся ў Тайландзе, музыка быў шпіталізаваны з атручваннем, як мяркуецца, з прычыны перадазіроўкі наркотыкаў. Яго ўвялі ў штучную кому, падключылі да апарата жыццязабеспячэння і прызначылі магутную тэрапію антыбіётыкамі і вазапрэсарамі, але гэта не дапамагло. З часам стан пагоршыўся — пачалася пнеўманія і паліорганная недастатковасць, што і прывяло да смерці.
Цяпер чытаюць
Стала вядома, як затрымалі былога каліноўца Максіма Ралько2
Каментары