За выхадныя моцна вырасла колькасць легкавікоў на мяжы Беларусі з Польшчай
Чарга на адзіным даступным на гэтай мяжы пункце пропуску «Брэст — Тэрэспаль» стала даўжэйшай у тры з паловай разы.
Фота ілюстрацыйнае
Паводле звестак Памежнага камітэта Беларусі, 7 красавіка а 10-й гадзіне раніцы на мяжы чакалі ўжо 460 легкавікоў, тады як 4 красавіка ў гэты ж час было толькі 130 машын.
У той жа час перад літоўскім пунктам пропуску «Меднікі» па стане на раніцу 7 красавіка чаргі чакалі ўсяго 20 легкавікоў. А на заезд у Латвію аўтамабільных чэргаў увогуле няма.
Што да грузавога транспарту, то раніцай 7 красавіка ўсяго на выезд у ЕС з Беларусі стаялі 1940 грузавікоў, з якіх найбольшая чарга (590 аўтамабіляў) — перад польскім пунктам «Кукурыкі» (на беларускім баку «Казловічы»).
Каментары