Прыёрбанк летась атрымаў амаль шостую частку прыбытку ўсёй беларускай банкаўскай сістэмы
У 2024 годзе Прыёрбанк атрымаў 484,1 млн рублёў чыстага прыбытку, што складае амаль шостую частку агульнага прыбытку камерцыйных банкаў Беларусі (без уліку Банка развіцця). Гэта на 50% больш, чым у 2023 годзе, піша выданне Select.by.
Актывы банка павялічыліся на 6,2% і дасягнулі 8,67 мільярда рублёў, уласны капітал — на 30,2% (да 2,13 мільярда), рэнтабельнасць капіталу — 22,8%, а актываў — 5,6%. Гэта значна вышэй, чым у сярэднім па банкаўскай сістэме краіны.
Крэдыты кліентам выраслі на 25,7% (да 2,75 мільярда), а сродкі, размешчаныя ў іншых банках, зменшыліся на 11,2%. Затое размяшчэнне сродкаў у Нацбанку вырасла ў 2,3 раза.
Асноўны даход банка ў 2024 годзе — чыстыя працэнтныя даходы (392,6 мільёна рублёў), далей — даходы ад аперацый з замежнай валютай (302 мільёнаў) і камісійныя (253,4 мільёна). Адлічэнні ў рэзервы склалі 40,5 мільёнаў, а падатак на прыбытак — 178,4 мільёна рублёў, што складае 2,1% усіх паступленняў гэтага падатку ў бюджэт краіны.
Колькасць работнікаў банка вырасла з 1 657 да 1 737 чалавек — Прыёрбанк павялічыў штат, у адрозненне ад многіх іншых банкаў.
У 2024 годзе банк змяніў уласніка: кампанія з ААЭ Soven 1 Holding набыла яго праз куплю Raiffeisen CIS Region Holding, цяпер — S1 CIS Region Holding, якой належыць 87,74% акцый. Дзяржаўны камітэт па маёмасці меў 6,31%, фізасобы — 4,86%, юрыдычныя асобы — 1,09%.
Чытайце таксама: Купіць мільярд за €230 мільёнаў. Продаж Прыёрбанка азалаціў бізнэсменаў удачы пры Лукашэнку
Продаж Прыёрбанка нікому невядомай кампаніі з ААЭ меў прыкметы вялікага дагаварняка, дзе цаной узбагачэння адной ці некалькіх абраных асоб аўстрыйцам дазволілі вывесці з Беларусі частку сваіх грошай. Лавачка магчымых датычных кароткая: Мікалай Варабей, Аляксей Алексін, Аляксандр Зайцаў — прыдворныя мультымільянеры Аляксандра Лукашэнкі.
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары
Кстати, а что нашим журналистам-расследователям слабо накопать материал и узнать, кто является конечным бенефициаром арабской "Soven 1 Holding" и как им удалось договориться с высокопоставленными лицами из ОАЭ, чтобы вышеуказанную контору исключили из публичного реестра и никто не мог посмотреть по ней какой-либо информации?