Вынесена рашэнне па рэзанансным выпадку ў беларускім футболе.
Ганебны інцыдэнт здарыўся 2 лістапада на матчы чэмпіянату краіны па футболе паміж «Віцебскам» і «Смаргонню».
Форвард «Віцебска» Валерый Гарбачык назваў камерунскага абаронцу «Смаргоні» Крысціяна Інтсаэна «чорным шымпанзэ». За гэта арбітр сустрэчы Ігар Шумілаў паказаў форварду гасцей прамую чырвоную картку.
Праз некалькі дзён Гарбачык з'ездзіў у Смаргонь і выбачыўся перад камерунцам.
Сёння Кантрольна-дысцыплінарная камісія Беларускай федэрацыі футбола вынесла рашэнне: Гарбачык дыскваліфікаваны на пяць матчаў і аштрафаваны на 2100 рублёў, а з «Віцебска» знята тры балы ў чэмпіянаце.
Клуб і форвард пакараныя па артыкуле 73 (расізм і дыскрымінацыя), паведамляе «Беларускі футбол».
Да канца чэмпіянату Беларусі засталося два матчы.
У выпадку, калі з «Віцебска» знялі тры балы, то каманда можа згуляць у стыкавых матчах, калі фінішуе на 14‑м месцы.
Зараз становішча такое:
11‑е месца — Арсенал — 30, 12. Віцебск — 28, 13. Нафтан — 25, 14. Смаргонь — 25. 15. Слуцк — 21. 16. Маладзечна — 11.
Пакуль дакладна «Маладзечна» пакідае вышэйшую лігу.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары