«Памеры палохаюць». Як выглядае знутры новаадкрыты гандлёвы цэнтр у «Мінск-Свеце» ФОТЫ
Аўтар тэлеграм-канала «Минск и минчанин» наведаўся ў адкрыты тыдзень таму гандлёва-забаўляльны цэнтр «Авія Мол» у жылым комплексе «Мінск-Свет», і выклаў фотаздымкі адтуль. Уражанні ў яго супярэчлівыя.
«Унутры ён выглядае значна цікавей, чым звонку, але памер гандлёвага цэнтра абсалютна нялюдскі», — піша блогер.
Паводле яго слоў, «да гіпермаркета на ніжнім узроўні трэба натуральна ісці па паказальніках», прытым нават іх стваральнікі разумеюць, мяркуючы па размешчанымі імі напрыканцы шляху банеры, які гэта «лагістычны подзвіг».
«Упэўнены, ГЗЦ будзе суперпапулярным сярод жыхароў раёна, напоўніцца арандатарамі і стане месцам прыцягнення, але я паспрабую пазбягаць менавіта з-за памераў, якія палохаюць», — робіць выснову аўтар допісу.
Цяпер чытаюць
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»30
Каментары