Крэмль запатрабаваў для пачатку 30-дзённага перамір'я спыніць пастаўкі зброі Украіне
Для пачатку 30-дзённага перамір'я паміж Расіяй і Украінай краіны Захаду павінны прыпыніць пастаўкі ўзбраенняў Кіеву, заявіў прэс-сакратар прэзідэнта Расіі Дзмітрый Пяскоў у інтэрв'ю амерыканскаму тэлеканалу ABC.
«Калі мы гаворым пра спыненне агню, то што нам рабіць з пастаўкамі зброі, якія Украіна штодня атрымлівае з ЗША і еўрапейскіх краін?», — задаўся Пяскоў пытаннем.
Пры гэтым ён дадаў, што пастаўкі ўзбраенняў павінны спыніцца да ўступлення ў сілу рэжыму цішыні. У адваротным выпадку, на яго думку, Кіеў выкарыстае гэты перыяд для мабілізацыі, ратацыі, навучання новых байцоў і аднаўлення наяўных сіл.
Як сцвярджае Пяскоў, у той час як Кіеў нібыта «не гатовы да неадкладных перамоў, Уладзімір Пуцін «прыкладае ўсе намаганні для ўрэгулявання канфлікту мірнымі і дыпламатычнымі сродкамі». А працягвае вайну толькі таму, што такіх сродкаў, маўляў, няма пад рукой.
Тым не менш, паводле слоў Пяскова, у Маскве разлічваюць, што ўдзел Злучаных Штатаў, а таксама асабістае пасярэдніцтва прэзідэнта ЗША Дональда Трампа, могуць змяніць сітуацыю.
«Мы спадзяемся, што намаганні Вашынгтона дапамогуць прыўнесці ў пазіцыю Кіева трохі больш гнуткасці і палітычнай волі», — падкрэсліў Дзмітрый Пяскоў.
У той жа час намеснік старшыні Рады бяспекі Расі Дзмітрый Мядзведзеў выступіў з крытыкай мірных прапаноў заходніх палітыкаў у зусім іншай манеры. Каментуючы ў сацсетцы X сённяшнюю сустрэчу ўдзельнікаў «Кааліцыі ахвотных» у Кіеве, на якой прысутнічалі сярод іншых лідары Германіі, Вялікабрытаніі, Францыі і Польшчы, ён напісаў:
«Меркавалася, што Макрон, Мерц, Стармер і Туск прыбудуць у Кіеў, каб гаварыць пра мір. Але замест гэтага яны сыплюць пагрозамі на адрас Расіі: альбо перамір'е, каб даць перадышку бандэраўскім ардам, альбо новыя санкцыі. Гэта разумна, га? Засуньце гэтыя мірныя планы сабе ў пангендарныя азадкі!»
Пасля сустрэчы «Кааліцыі ахвотных» у Кіеве еўрапейскія лідары сазваніліся з Трампам
Амерыканская амбасада ў Кіеве папярэдзіла пра магчымы маштабны абстрэл Украіны
Расія і Украіна могуць падпісаць пагадненне аб спыненні агню ў гэтыя выхадныя — Мерц
Лукашэнка: Расія даўно гатовая не проста да перамір’я ва Украіне, а да заключэння міру
Вэнс заявіў, што Расія хоча занадта шмат
Спецпрадстаўнік Трампа Келаг назваў Пуціна галоўнай перашкодай на шляху да спынення агню ва Украіне
Анжаліка Мельнікава тыдзень правяла на Шры-Ланцы і вылецела з дзецьмі ў Дубай37
Каментары