Польшча абвінаваціла расійскія спецслужбы ў падпале гандлёвага цэнтра, які згарэў год таму
Гіганцкі пажар, які здарыўся ўначы 12 траўня 2024 года ў варшаўскім гандлёвым цэнтры на вуліцы Марывільскай, 44, быў вынікам падпалу, здзейсненага агентамі расійскіх спецслужбаў.
Пра гэта афіцыйна заявілі міністр юстыцыі Польшчы Адам Боднар і міністр унутраных спраў Томаш Семаняк.
«На падставе сабраных доказаў мы цяпер дакладна ведаем, што пажар стаў вынікам падпалу, арганізаванага расійскімі спецслужбамі. Мы валодаем падрабязнай інфармацыяй пра паслядоўнасць і механізм дзеянняў, а таксама маем дакументацыю, зробленую самімі злачынцамі. Іх дзейнасцю кіраваў чалавек, які знаходзіцца на тэрыторыі Расійскай Федэрацыі. Частка злачынцаў ужо затрыманая, астатнія ўстаноўленыя і знаходзяцца ў вышуку», — гаворыцца ў афіцыйнай заяве.
Пазней прэм’ер-міністр Польшчы Дональд Туск таксама абвінаваціў расійскія спецслужбы і паабяцаў, што ўсе вінаватыя панясуць адказнасць.
У выніку пажару гандлёвы цэнтр згарэў цалкам: агонь ахапіў 63 тысячы квадратных метраў, знішчаныя былі павільёны і тавары амаль 1400 арандатараў. Пажар доўжыўся больш за пяць гадзін. Адразу пасля здарэння спецыялісты адзначалі, што полымя распаўсюдзілася надзвычай хутка, што нетыпова для выпадковых узгаранняў.
Раней заяўлялася, што сярод падазраваных у падпале былі два беларусы. Адзін з беларускіх грамадзян можа быць экс-супрацоўнікам МУС, другі — раней судзімым былым байцом ММА.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Як за сваё дык мірныя людзі, а як за расейскае дык нават дыверсіі і на фронт.