Расіяніна затрымалі ў мінскім аэрапорце за спробу вывезці скрадзеную пяць гадоў таму дачку
У ноч на 22 мая пры афармленні рэйса Мінск—Дубай у сталічным аэрапорце памежнікі затрымалі мужчыну і дзяўчынку з пашпартамі грамадзян Расіі, якія выклікалі падазрэнні. Дакументы былі часткова падробленыя — старонкі з устаноўчымі данымі былі замененыя, паведамляе Памежны камітэт.
Аказваецца, мужчына быў абвешчаны ў міждзяржаўны вышук МУС Расіі за забойства, а таксама пазбаўлены бацькоўскіх правоў і не мог пражываць з дзіцём на законных падставах. Пасля гэтага ён выкраў дзяўчынку ў маці і пяць гадоў хаваўся з ёй. Каб пазбегнуць крымінальнай адказнасці, вырашыў з’ехаць у Аб’яднаныя Арабскія Эміраты праз нашу краіну.
Дзяўчынка перададзена супрацоўнікам крымінальнага вышуку ГУУС Мінгарвыканкама для вяртання маці.
Мужчына затрыманы і змешчаны ў ізалятар часовага ўтрымання. У дадзены момант вырашаецца пытанне аб завядзенні ў дачыненні да яго крымінальнай справы. За спробу незаконнага перасячэння мяжы яму пагражае штраф да 100 базавых велічынь (4200 рублёў), а за выкарыстанне падробленых дакументаў — абмежаванне волі на тэрмін да двух гадоў.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары