Бразілія засталася адзінай камандай у свеце, якая адбіралася на ўсе чэмпіянаты свету па футболе
Зборная Бразіліі сёння ноччу ў Сан-Паўлу з мінімальным лікам 1:0 перамагла зборную Парагвая, тым самым афіцыйна кваліфікаваўшыся на чэмпіянат свету 2026 года.
Вінісіус Жуніёр і Бруна Гімарайіш пасля пераможнай гульні над Парагваем. Фота: Andre Penner / AP
З 1930 года прайшло 22 чэмпіянаты свету. Удзел падапечных Карла Анчалоці, які толькі некалькі дзён таму ўзначаліў зборную, пакінуўшы «Рэал», у будучым мундыялі стане 23-м.
Зборная Бразіліі выйгравала гэты турнір пяць разоў (1958, 1962, 1970, 1994, 2002), што таксама з'яўляецца абсалютным рэкордам.
Зазначым, на другім месцы па колькасці ўдзелаў у ЧС — у Германіі — 20.
Чэмпіянат свету па футболе пройдзе летам 2026 года ўпершыню ў трох краінах: ЗША, Мексіцы і Канадзе.
Каментары