Відэа, у якім кіраўнік Крычава прасіў жыхароў ахвяраваць на прыпынкі, выдалілі пасля рэзанансу
Краўдфандынг мясцовага выканкама людзі не ацанілі.
Кіраўнік Крычаўскага райвыканкама Аляксей Шарай папрасіў мясцовых жыхароў заданаціць на ўсталяванне новых прыпынкаў. Відэа два дні таму апублікавала мясцовая раёнка, і рэакцыя на яго была, мякка кажучы, неадназначная.
Людзі ў каментарах цікавіліся, куды падзеліся бюджэтныя грошы, і чаму жыхары, якія і так плацяць падаткі, павінны скідацца на прыпынкі са сваіх грошай.
Сёння ролік са зваротам Шарая раптоўна знік з ціктока і тэлеграм-канала выдання. Неўзабаве пасьля таго, як пра яго напісалі незалежныя СМІ.
Шарай узначаліў райвыканкам у сакавіку. З таго часу ён запісаў некалькі такіх відэазваротаў да мясцовых жыхароў. У адным з нядаўніх ролікаў ён, напрыклад, прасіў людзей пакасіць траву на ўчастках пад пагрозай адміністратыўкі.
У іншым відэа Шарай, наадварот, супакойваў крычаўчан. Па ягоных словах, гараджане раптам сталі абмяркоўваць адмену «Дажынак». Але чыноўнік запэўніў, што свята адмяняць ніхто не збіраецца.
«Адказваю з поўнай упэўненасцю і кампетэнцыяй: «Дажынкі» будуць, і размовы аб тым, каб іх адмяніць, не вялося», — сказаў Шарай.
Яшчэ ён у спецыяльных відэазваротах заклікаў людзей прыбіраць вуліцы і высаджваць кветкі, каб акультурыць горад да свята.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)77
Каментары