Маладзечанцы цягам трох дзён назіралі за маладой качкай, якая звалілася ў калодзеж фантана ў парку
У Kraj.by паступіла паведамленне ад жыхароў Маладзечна пра тое, што ў калодзеж фантана ўпала дзікая маладая качка.
Паводле слоў відавочцаў, птушка патрапіла ў глыбокі калодзеж фантана ў гарадскім парку яшчэ ў пятніцу, 13 чэрвеня. Неабыякавыя маладзечанцы кармілі яе, нават кінулі кавалак дошкі, каб качцы было дзе адпачыць.
Паводле іх слоў, звярталіся ў розныя службы, але сур'ёзна да выратавання дзікай птушкі ніхто не ставіўся.
Раніцай у панядзелак, 16 чэрвеня, Kraj.by звярнуўся ў Маладзечанскі водаканал. Праз некаторы час супрацоўнікі прадпрыемства Алег і Саша былі каля фантана з сачком і лесвіцай.
Злавіць качку было няпроста, яна нырала і ўплывала ад сачка. Не абышлося без парад мінакоў, якія назіралі за тым, што адбываецца, і падказвалі, як лепш злавіць спрытную малую.
Каля 20 хвілін спатрэбілася Алегу і Сашу, каб прыстасавацца і злавіць птушку. Малую аднеслі на маленькае возера, дзе гняздуюцца яе сваякі.
— Гэта не першае выратаванне качак, што падаюць у фантан. Штогод разоў пяць дакладна вылоўліваем, — дзеліцца Алег і дадае:
— Трэба б агароджу нейкую паставіць, каб яны не падалі.
-
У 7‑й спецбрыгадзе ўнутраных войскаў змянілі камандзіра і ідэолага — неўзабаве пасля праверкі боегатоўнасці
-
Латушка: Перамовы па Украіне могуць адкрыць магчымасці для Беларусі. Дэмсілы павінны быць за сталом
-
«Я хачу развеяць міф, што я вельмі моцны чалавек, проста танк, бо многія ведаюць мяне з 2020-га». Размова з Галінай Казіміроўскай аб перамозе над цяжкім дыягназам
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі3
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Все пили и пели на фестивале лукашенко в Молодечно !