Не толькі «кітайцы». Якія бюджэтныя новыя аўто прапануе беларускі рынак
Паглядзелі, якія машыны ў бюджэце да 15-20 тысяч даляраў афіцыйна прадаюць у Беларусі.
«Лада» па за канкурэнцыяй?
Самымі папулярнымі новымі аўтамабілямі ў Беларусі з'яўляюцца кітайска-беларускія Geely/Belgee і расійская Lada. На іх долю прыходзіцца каля 2/3 продажаў новых аўто афіцыйнымі дылерамі.
Самы даступны з іх — гэта Lada Granta. Цэны на яе пачынаюцца з 33700 рублёў, што каля 11400 даляраў па цяперашнім курсе.
Lada Niva каштуе прыблізна столькі ж. Цэны на трохдзверны уседарожнік, які без асаблівых змен выпускаюць з 1977 года, стартуюць з 33580 рублёў (каля $11350).
Наступная па цане зноў Lada. Седан Vesta дасяжны па цане ад 44 900 рублёў (каля $15200). Vesta ўніверсал — ад 46 400 рублёў (каля $15700) за мінулагодняе аўто і ад 47 900 рублёў (каля $16200) за аўто гэтага года.
Lada Largus прадаецца па цэнах ад 47 700 рублёў, што каля $16150.
Наступны аўтамабіль з рухавіком унутранага згарання, які афіцыйна прадаецца ў Беларусі, — кітайскі Chery Arizzo 6 па цэнах ад 52 900 рублёў, што каля 18 тысяч даляраў. Гэта 1,5-літровыя аўтамабілі з аўтаматычнай каробкай перадач.
Яшчэ адзін бюджэтнік з традыцыйным рухавіком цаной да 20 тысяч даляраў — кітайскі BAIC U5 Plus з 1,5-літровым рухавіком і МКПП. Каштуе ад 57 000 рублёў (каля $19300).
Айчынны седан Belgee s50, які раней называўся Geely Emgrand, прадаецца па цане ад 57 600 рублёў (каля $19550).
На гэтым спіс новых машын (з рухавікамі на традыцыйным паліве) коштам да 20 тысяч даляраў заканчваецца. Калі параўноўваць сітуацыю з даваенным перыядам, то выбіраць амаль няма з чаго. З такім бюджэтам дасяжныя толькі расійскія, кітайскія і беларуска-кітайскія брэнды.
Для параўнання, да вайны беларусам былі даступныя яшчэ і VW Polo, адразу некалькі мадэляў Renault, Kia і Hyundai расійскай зборкі.
А што па электрамабілях?
У бюджэтным сегменце прадаецца шэраг электракараў кітайскіх брэндаў.
Самы даступны з іх — хэтчбэк Dongfeng BOX. Магутнасць электрарухавіка 95 к.с. Цэны на версію з заяўленым запасам ходу 430 кіламетраў пачынаюцца з 45 250 рублёў (каля $15 350).
Крыху даражэй каштуе кампактны электракар BYD Seagull — ад 48 900 рублёў, ці каля $16 500.
Сярод больш габарытных аўто — седан Hongqi E-QM5. Праўда, гэта аўтамабіль, які пастаўляюць неафіцыялы.
Цана на яго пачынаецца ад 15500 даляраў за аўто мінулага года выпуску.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары
Касается не только авто, а всего ширпотреба, сантехники, стройматериалов, одежды и обуви.
Всё ради ондного семейства в Беларуси, ради её личных интересов и незаконного удержания власти этим семейством.