9 ліпеня 2025 года супрацоўнікі Падляшскага аддзялення Памежнай службы Польшчы зафіксавалі больш за 100 спроб незаконнага пераходу мяжы з тэрыторыі Беларусі ў Польшчу.
Адна з груп мігрантаў зрабіла падкоп пад ахоўным плотам, каб трапіць на польскі бок. У раёне вёскі Міхалова больш за 20 чалавек з Афганістана перабраліся праз гэты падкоп.
У іншым месцы, каля населенага пункта Нараўка, мігранты напалі на польскіх памежнікаў — кідалі ў іх камяні, петарды, бутэлькі з вадкасцю і раскідалі на дарозе парэзаны калючы дрот, каб пашкодзіць транспарт. У выніку быў пашкоджаны службовы аўтамабіль.
Спробы незаконнага пераходу мяжы назіраліся таксама ў раёнах, якія кантралююць памежныя пасты ў Пласкай і Белавежы.
Сярод затрыманых былі людзі з Ірака, Афганістана, Судана, Камеруна, Алжыра і Эрытрэі.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч31
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было
Каментары