У Нацбанку растлумачылі прычыны тэхнічнага збою, які адбыўся з карткамі
Як паведаміў намеснік старшыні праўлення Нацбанка Андрэй Картун, збой 9 ліпеня адбыўся падчас чарговага планаванага абнаўлення сістэмы і закрануў некаторыя банкі, піша БелТА.
«Сапраўды, учора раніцай у сістэме адбыўся тэхнічны збой. Ён быў звязаны з чарговым планавым абнаўленнем сістэмы і закрануў пэўныя банкі. Многія маглі ўбачыць адмоўны баланс або нейкае спісанне грашовых сродкаў», — сказаў Андрэй Картун.
Аднак чыноўнік падкрэсліў: грошы не зніклі, ніхто іх не краў — гэта не быў ні вірус, ні хакерская атака, а звычайны тэхнічны збой.
На сённяшні дзень сістэма ўжо, як ён сцвярджае, працуе нармальна, а банкі паведамляюць, што ўсе памылкі выпраўленыя.
Збой мог закрануць нават супрацоўнікаў самога Нацбанка, міжбанкаўскага разліковага цэнтра і звычайных карыстальнікаў.
«Не ведаю, што вы там выпраўлялі, але мінус як быў так і застаўся». Кліенты банкаў працягваюць скардзіцца на няправільныя балансы
Балансы на картках трох банкаў адноўленыя
Банкаўскі працэсінгавы цэнтр вызначыў новы дэдлайн для вяртання грошай на карткі. Два ўжо праваленыя
«Грошы нікуды не падзеліся, іх ніхто не скраў». У Банкаўскім працэсінгавым цэнтры пракаментавалі сітуацыю са спісаннем сродкаў
Маштабны збой у трох беларускіх банках: з рахункаў знікаюць грошы
Каментары