Прэзідэнт Уладзімір Зяленскі правёў тэлефонную размову з Дональдам Трампам, падчас якой яны абмеркавалі нядаўнюю сустрэчу прэзідэнта ЗША з генеральным сакратаром НАТА Маркам Рутэ, піша «Украінская праўда».
«Гаварыў з прэзідэнтам ЗША Дональдам Трампам. Вельмі добрая размова. Дзякуй за гатоўнасць падтрымліваць Украіну і працаваць у далейшым разам, каб спыніць забойствы і ўсталяваць працяглы і справядлівы мір.
Прэзідэнт Трамп расказаў пра сваю сустрэчу з генеральным сакратаром НАТА Маркам Рутэ. Важна, што ў нас такія добрыя адносіны і краіны альянсу імкнуцца павялічваць выдаткі на абарону», — паведаміў пра вынікі размовы сам Уладзімір Зяленскі.
Зяленскі таксама паведаміў, што яны з Трампам абмеркавалі сродкі і рашэнні, каб «даць больш абароны людзям ад расійскіх удараў і ўмацаваць нашы пазіцыі».
Таксама, па словах прэзідэнта Украіны, яны дамовіліся часцей стэлефаноўвацца і каардынаваць свае крокі.
Перад гэтым Трамп зноў выказаў незадаволенасць дзеяннямі Расіі і заявіў, што Злучаныя Штаты ўвядуць жорсткія санкцыі як супраць яе самой, так і супраць яе гандлёвых партнёраў, калі цягам 50 дзён не будзе дасягнутая дамоўленасць аб міры ва Украіне. Таксама ён паведаміў пра дасягнутае пагадненне з НАТА, якое дазволіць пастаўляць Украіне амерыканскую сучасную зброю за еўрапейскія грошы.
Цяпер чытаюць
Удава Мікіты Мелказёрава ўпершыню публічна расказала пра ноч яго смерці6
Удава Мікіты Мелказёрава ўпершыню публічна расказала пра ноч яго смерці
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары