Ціханоўская: Толькі дэмакратычная Беларусь можа быць гарантам міру і стабільнасці ў рэгіёне
Святлана Ціханоўская знаходзіцца з працоўным візітам у Брусэлі. Яна выступіла з прамовай на Парламенцкай асамблеі. Сваю прамову беларуская лідарка прысвяціла нядаўняму вызваленню мужа пасля пяці гадоў зняволення, а таксама будучыні Беларусі і ролі дэмакратычных сілаў у гэтым працэсе, паведамляе яе прэс-служба.
«Як дэмакратычныя сілы Беларусі, мы гатовыя весці нашую краіну да дэмакратыі і еўрапейскага шляху развіцця. Мы ўжо рыхтуем рэформы, якія дапамогуць інтэграваць Беларусь у еўрапейскую і еўраатлантычную супольнасць.
Нядаўна на саміце НАТА мы прэзентавалі Red Paper па беларуска-еўрапейскіх рамках бяспекі. Яна дэманструе, што Беларусь — гэта не толькі крыніца пагрозы, але і магчымасць для ўмацавання нашай калектыўнай бяспекі. Толькі дэмакратычная Беларусь можа быць гарантам міру і стабільнасці ў рэгіёне.
Менавіта таму я заўсёды паўтараю: падтрымка беларускага дэмакратычнага руху — гэта не дабрачыннасць, а інвестыцыі ў нашую агульную будучыню», — сказала Святлана Ціханоўская.
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім23
Каментары