Два гады калоніі і буйны штраф далі хлопцу за ўдзел у мерапрыемствах «Актыўнымі быць файна»
22-гадовага хлопца, якога прызналі вінаватым у ўдзеле ў дзейнасці так званага экстрэмісцкага фармавання «Актыўнымі быць файна», прысудзілі да двух гадоў пазбаўлення волі і штрафу ў 500 базавых велічынь (21 тысяча рублёў), паведамляюць «Мінск-Навіны».
Хлопец, паводле следства, далучыўся да фармавання ў лютым 2022 года. «У інтарэсах «Актыўнымі быць файна» ён удзельнічаў у анлайн і афлайн трэнінгах, арганізаваных гэтым экстрэмісцкім фармаваннем на тэрыторыі Мінска і Магілёва, а таксама ў 2023—2024 гадах прыняў удзел у мерапрыемствах на тэрыторыі Літоўскай Рэспублікі ў якасці прадстаўніка гэтага аб'яднання», —кажуць у пракуратуры.
Пракуратура лічыць, што гэтыя мерапрыемствы мелі мэтай уцягванне грамадзян Беларусі ў экстрэмісцкую дзейнасць праз культурныя, адукацыйныя і іншыя праекты.
На судзе малады чалавек прызнаў, што ўсведамляў накіраванасць дзейнасці арганізацыі, але не ўсведамляў сур’ёзнасці наступстваў сваіх дзеянняў. Суд прызнаў яго вінаватым паводле ч. 3 арт. 361-1 Крымінальнага кодэкса (удзел у экстрэмісцкім фармаванні).
АБФ (Актыўнымі Быць Файна) — арганізацыя нефармальнай адукацыі, заснаваная ў Беларусі ў 2015 годзе, гэта праект па папулярызацыі методыкі шведскіх вучэбных гурткоў.
Да 2021 года АБФ працавала ў розных гарадах Беларусі, уключаючы ўсе абласныя цэнтры. Пасля прымусовай ліквідацыі арганізацыі ў Беларусі яна аднавіла сваю дзейнасць у Літве, Польшчы і Грузіі як ініцыятыва беларускай дыяспары. Скразнымі тэмамі дзейнасці з’яўляюцца правы чалавека, фемінізм, гендарная роўнасць, экалагічнасць і інклюзіўнае грамадства.
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары
Хлопца шкада, але такія нда нам непатрэбныя!
І ўвогуле, скажыце, а пасіўным быць не файна? Гэта не дыскрымінацыя?