Вечарам 24 ліпеня на перагоне паміж станцыямі Навасады і Барысаў пяцёра школьнікаў ва ўзросце ад 12 да 16 гадоў расклалі на рэйкі камяні.
Машыніст своечасова заўважыў перашкоду і экстранна затармазіў, паведамляе Мінская абласная міліцыя.
Нягледзячы на тое, што здарэнне не прывяло да цяжкіх наступстваў, адказнасць за такія свавольствы сур'ёзная — аж да крымінальнай. Цяпер па факце здарэння праводзіцца праверка.
Двое падлеткаў аказаліся малодшымі за ўзрост, з якога наступае крымінальная адказнасць. Іх дзеянням будзе дадзена прававая ацэнка, а бацькі могуць быць прыцягнуты да адказнасці паводле артыкула 10.3 КаАП за неналежнае выхаванне. За такое прадугледжана папярэджанне або штраф да дзесяці базавых велічынь (420 рублёў).
З падлеткамі і іх бацькамі супрацоўнікі транспартнай міліцыі правялі прафілактычную гутарку.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары
[Зрэдагавана]