У Лепельскім раёне адбыўся экалагічны інцыдэнт: амаль цалкам высахла штучнае возера Кастрыцкае (таксама вядомае як Шчураўка). Прычынай стала нара, якую выкапаў бабёр у цэнтры дамбы. Падчас паводкі дамбу пачало размываць, ужо 19 ліпеня ўзровень вады знізіўся на паўметра, а 23 ліпеня дамбу прарвала канчаткова, піша Fishingby.com.
Мясцовыя рыбаловы спрабавалі самастойна спыніць працэс асушэння: засыпалі прамыў зламанага ўчастка цэглай і звярнуліся па дапамогу ў сельсавет, каб арганізаваць цяжкую тэхніку. Але мясцовыя ўлады на просьбу не адрэагавалі. Па словах аднаго з рыбаловаў, вяскоўцы былі гатовыя сабраць грошы, але без тэхнікі спыніць разбурэнне дамбы не ўдалося.
Возера Кастрыцкае было створана прыкладна 25 гадоў таму і належала мясцоваму саўгасу. Цяпер гэтая зямля мае іншага ўласніка. Пасля аварыі вадаём ператварыўся ў балота: загінула рыба, зніклі птушкі, такія як лебедзі і крыжанкі.
У тэорыі возера можна аднавіць, калі засыпаць прамыў і ўмацаваць дамбу, але ці знойдзецца хто-небудзь, хто возьмецца за гэтую працу, пакуль незразумела.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
будзе сушэйшая пагода - сам ўсё загаціць і без тэхнікі.