U Lepielskim rajonie adbyŭsia ekałahičny incydent: amal całkam vysachła štučnaje voziera Kastryckaje (taksama viadomaje jak Ščuraŭka). Pryčynaj stała nara, jakuju vykapaŭ babior u centry damby. Padčas pavodki dambu pačało razmyvać, užo 19 lipienia ŭzrovień vady źniziŭsia na paŭmietra, a 23 lipienia dambu prarvała kančatkova, piša Fishingby.com.
Miascovyja rybałovy sprabavali samastojna spynić praces asušeńnia: zasypali pramyŭ złamanaha ŭčastka cehłaj i źviarnulisia pa dapamohu ŭ sielsaviet, kab arhanizavać ciažkuju techniku. Ale miascovyja ŭłady na prośbu nie adreahavali. Pa słovach adnaho z rybałovaŭ, viaskoŭcy byli hatovyja sabrać hrošy, ale biez techniki spynić razbureńnie damby nie ŭdałosia.
Voziera Kastryckaje było stvorana prykładna 25 hadoŭ tamu i naležała miascovamu saŭhasu. Ciapier hetaja ziamla maje inšaha ŭłaśnika. Paśla avaryi vadajom pieratvaryŭsia ŭ bałota: zahinuła ryba, źnikli ptuški, takija jak lebiedzi i kryžanki.
U teoryi voziera možna adnavić, kali zasypać pramyŭ i ŭmacavać dambu, ale ci znojdziecca chto-niebudź, chto voźmiecca za hetuju pracu, pakul niezrazumieła.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary
budzie sušejšaja pahoda - sam ŭsio zahacić i biez techniki.