Пазняк: Офіс Ціханоўскай ляжыць гнілой калодай на шляху беларускага развіцця і барацьбы за вольную Беларусь
Ветэран беларускага руху Зянон Пазняк адказаў у фэйсбуку на сумневы аднаго з ягоных падпісчыкаў, што нацыянальная беларуская грамадзянская супольнасць здолее самаарганізавацца за мяжой на валанцёрскіх пачатках. На ягоную думку, шанцы на самаарганізацыю і ўздым ёсць, ды і энтузіястаў гэтай справы хапае, але з іх дарогі мусіць быць прыбраная сур'ёзная перашкода.
На думку Зянона Пазняка, для дасягнення мэты самаарганізацыі трэба выконваць і ажыццяўляць два правілы:
«1) Развіццё беларускай нацыянальнай асветы, прыняцце беларускай нацыянальнай ідэалогіі і сцверджанне беларускай мовы ў дачыненнях.
2) Нацыянальныя суполкі і палітычныя арганізацыі (катэгарычна) не павінны арыентавацца на манетарную актыўнасць (гранты) і на фінансавую дапамогу еўрапейскіх фондаў і структур (магчымыя, аднак, сумесныя гуманітарныя праекты).
Задача — абаперціся на беларускі бізнэс (нацыянальную буржуазію). Такія асобы таксама ёсць».
У якасці паспяховага прыкладу такога кшталту Пазняк называе «вопыт пасляваеннай беларускай эміграцыі, якая валодала якасцямі, адзначанымі ў пункце 1». У той жа час эміграцыя 2020 года «атручаная маскоўскім уплывам», таму для яе выкананне гэтага пункта запатрабуе часу. Увогуле ж:
«Вельмі важна тут ліквідаваць галоўную перашкоду — ОСЦ («Офіс Святланы Ціханоўскай»), які ляжыць гнілой калодай на шляху беларускага развіцця і барацьбы за вольную Беларусь».
Пасля таго ветэран беларускага руху заклікае беларусаў не ўдзельнічаць у арганізаванай Офісам Святланы Ціханоўскай канферэнцыі «Новая Беларусь» у Варшаве, прызначанай на 9-10 жніўня.
«З цягам часу, калі самаструктураванне і самаразвіццё беларускай эміграцыі набудзе шырэйшы працяг і лепшы нацыянальны ўзровень, тэндэнцыі кансалідацыі павялічацца і стане магчымым стварэнне ўсеагульных беларускіх прадстаўніцтваў», — абяцае Зянон Пазняк.
Але для гэтага павінен яшчэ прайсці «неабходны этап».
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне
Ціханоўскі: Пазняк звар'яцеў, шкада чалавека
Пазняк перайшоў да абразаў Ціханоўскага: «Істота тарабаніць увесь час»
«Не знайшлося лідара, здольнага гэта зрабіць». Лябедзька расказаў, калі прайграла дэмакратыя ў Беларусі і пры чым тут Пазняк
Пазняк асудзіў Ціханоўскага: Седзячы пяць гадоў, можна было да беларускай мовы звярнуцца
Зянон Пазняк: Зараз інтарэсы рэжыму ў нейкай ступені супадаюць з нацыянальнымі інтарэсамі
Цяпер чытаюць
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві11
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4545
Каментары