Пазняк перайшоў да абразаў Ціханоўскага: «Істота тарабаніць увесь час»
Ветэран беларускага руху Зянон Пазняк адрэагаваў на пост у фэйсбуку, які напісала Святлана Мацкевіч, былая жонка палітвязня Уладзіміра Мацкевіча. У ім яна крытыкуе выказванне галоўнага дарадцы Святланы Ціханоўскай Франака Вячоркі, зачапіўшыся за ягонае выказванне, што «наша пазіцыя па вызваленні палітвязняў застаецца нязменнай».
Пазняк у пэўны момант далучыўся да дыскусіі ў каментарах, а аб'ектам ягонай атакі стаў нядаўна вызвалены палітвязень Сяргей Ціханоўскі, якога ён назваў «істотай»:
«Паважаная спадарыня Святлана, у гэтым драньстве, якое вы назіраеце, словы Франака — гэта рыторыка для грантаў, а вось паводзіны іншай істоты могуць быць больш шкодныя. А словы былі такія: «Амерыканцы прасілі месяц быць пацішэй, бо ідуць працэсы вызвалення астатніх вязняў». За гэты час істота тарабаніць увесь час, нават сказала, што Лукашэнку будзе садзіць на кол. Вы разумееце, якая тут падачка для Лукашэнкі. Амерыканская дыпламатыя, хутчэй за ўсё, возьме паўзу. Вязні будуць сядзець».
Рэпліку Пазняка падтрымалі лайкамі як Святлана Мацкевіч, так і сакратар Каардынацыйнай рады і адзін з кіраўнікоў штаба Віктара Бабарыкі Іван Краўцоў.
Пазняк асудзіў Ціханоўскага: Седзячы пяць гадоў, можна было да беларускай мовы звярнуцца
Зянон Пазняк: Зараз інтарэсы рэжыму ў нейкай ступені супадаюць з нацыянальнымі інтарэсамі
Іван Краўцоў: Заявы Ціханоўскай выглядаюць крывадушнымі
«Мы працуем, каб вызваленні сталі сістэмнымі, а не спарадычнымі». Вячорка адказаў Краўцову
Польшча прызнала Аляксандра Машэнскага непажаданай асобай27
Каментары