Паводле інфармацыі выдання Bloomberg, ЗША і Расія цяпер вядуць перамовы пра магчымую мірную дамову, якая можа замацаваць за Крамлём захопленыя ўкраінскія тэрыторыі.
Згодна з інфармацыяй ад амерыканскіх чыноўнікаў, бакі працуюць над падрыхтоўкай сустрэчы паміж прэзідэнтам ЗША Дональдам Трампам і кіраўніком Расіі Уладзімірам Пуціным — яна можа адбыцца ўжо на наступным тыдні.
Пагадненне, якое абмяркоўваюць, мае на мэце замарозіць вайну і пачаць перамовы пра спыненне агню. Аднак крыніцы адзначаюць, што яна «няпэўная» і можа выклікаць супраціў з боку Украіны і еўрапейскіх саюзнікаў.
Расія патрабуе, каб Украіна перадала ёй усю ўсходнюю частку Данбаса і Крым. Гэта азначае, што прэзідэнт Украіны Уладзімір Зяленскі павінен будзе аддаць загад аб вывадзе войскаў з часткі Луганскай і Данецкай абласцей, якія ўсё яшчэ кантралююцца Кіевам. Такі крок дасць Маскве тое, чаго яна не змагла дабіцца сілай з пачатку поўнамаштабнай вайны ў 2022 годзе.
Са свайго боку ў рамках пагаднення Расія нібыта пагодзіцца спыніць наступ у Херсонскай і Запарожскай абласцях, але пакуль незразумела, ці збіраецца яна адмовіцца ад іншых акупаваных тэрыторый, у тым ліку ад Запарожскай АЭС.
Перамовы фактычна накіраваныя на замарожванне канфлікту, хоць ЗША раней настойвалі на безумоўным спыненні агню перад пачаткам любога мірнага працэсу.
Калі пагадненне рэалізуецца, то гэта стане вялікай перамогай для Пуціна, які доўгі час імкнуўся да прамых перамоваў з ЗША. Для Зяленскага гэта можа стаць выбарам па прынцыпе «бяры або сыходзь» — з рызыкай страты тэрыторый. Еўропа ж баіцца, што за час перамір’я Расія можа аднавіць свае сілы.
Пакуль таксама незразумела, ці пагодзіцца Пуцін на магчымую трохбаковую сустрэчу з Трампам і Зяленскім. Некаторыя чыноўнікі сумняваюцца, што ён сапраўды гатовы скончыць вайну без дасягнення ўсіх сваіх мэтаў.
«Вельмі заклапочаныя». Лукашэнка расказаў, як на ягоныя спробы перамаўляцца з амерыканцамі рэагуюць у Расіі
Ціханоўская прапанавала Трампу, як далей дзейнічаць у пытанні Беларусі
Трамп: Пуціну не трэба сустракацца з Зяленскім перад сустрэчай са мной
У ЗША назвалі пяць магчымых сцэнарыяў заканчэння вайны ва Украіне
Пуцін назваў ААЭ адным з прыдатных месцаў для яго сустрэчы з Трампам
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны9
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары
Але ж іншыя альтэрнатывы якія? Эўропа тысячагоддзі ваявала і рухала сваі межы, па вынікам вайны. Чым сітуацыя адрозніваецца ад мінулых часоў?