«Вельмі заклапочаныя». Лукашэнка расказаў, як на ягоныя спробы перамаўляцца з амерыканцамі рэагуюць у Расіі
Амерыканскі журналіст Сайман Шустэр падчас інтэрв'ю запытаўся ў Лукашэнкі, ці не выклікаюць зафіксаваныя апошнім часам ягоныя спробы наладзіць адносіны з ЗША негатыўнай рэакцыі з боку Расіі.
Лукашэнка не стаў адмаўляць, што пэўныя праблемы ў гэтым плане ўзнікаюць. Маўляў, у Расіі ёсць розныя людзі і ставяцца яны па-рознаму.
«Ёсць людзі, якія вельмі заклапочаныя. І дзіўна, што гэтыя людзі ўваходзяць у кабінеты Міністэрства замежных спраў, Адміністрацыі прэзідэнта і гэтак далей».
Па яго словах, напярэдадні інтэрв'ю ён атрымаў нейкі дакумент на гэтую тэму, які ў ягонай адміністрацыі спрабавалі аналізаваць. Маўляў, цяпер з Беларуссю працуюць расійскія дыпламаты, якія працавалі на Захадзе яшчэ ў часы Барыса Ельцына, і вось яны стараюцца ацаніць сітуацыю. І сярод таго, што яны пішуць, сцвярджаецца, што Беларусь вярнулася да палітыкі шматвектарнасці, і гэта кепска.
«Самі праводзяць шматвектарную палітыку, а нам нельга», — абураецца Лукашэнка.
Такой думкі прытрымліваецца, як ён сцвярджае, «адна група людзей», на чале якой — «салідны інстытут». Раскрыць яго назву Лукашэнка адмовіўся, адно толькі сказаў, што гэта не расійскае МЗС. Гэтыя людзі, маўляў, пішуць гэта ўсё і адпраўляюць у розныя высокія расійскія інстанцыі, на што ён збіраецца скардзіцца Пуціну.
Што да камунікацыі з самім Пуціным, то Лукашэнка гаворыць, што ён асабіста яму заўваг на гэты конт нібыта не рабіў, але «ведаючы характар Уладзіміра Уладзіміравіча, ён абсалютна цвярозы ў ацэнцы сітуацыі, у яго можа і закрадаюцца нейкія сумневы». Ніколі, праўда, пра гэта не гаворыць, але «я дапускаю, што можа быць, можа быць».
Усё гэта, вядома, Лукашэнку непрыемна, але небяспекі ў гэтым ён не бачыць, бо «асноўны трэнд — поўная падтрымка нашай пазіцыі і поўнае ўзаемаразуменне».
Увогуле расіянам Лукашэнку няма ў чым, маўляў, папракаць.
«Мы ніколі не адмаўлялі, што мы суагрэсары з Расіяй. Так, мы суагрэсары», — некалькі разоў паўтарыў ён.
Маўляў, калі амерыканцам хочацца так лічыць, то хай так і будзе, а ён з-за гэтага ўвогуле «не парыцца».
Лукашэнка: Калі ўступіць у вайну з Украінай, Беларусь не зможа ўтрымаць фронт
Лукашэнка пра магчымасць балатавацца на яшчэ адзін тэрмін: Трампу хутка 80, і ён прыстойна выглядае
Амерыканскі журналіст Шустэр расказаў, як яго ўгаворвалі зрабіць інтэрв'ю з Лукашэнкам. Нават прапаноўвалі грошы
Лукашэнка назваў разню ў Бучы добра спланаванай акцыяй
Лукашэнка: Трамп — балбатун, раніцай гаворыць адно, вечарам робіць іншае
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты8
Каментары