У Кіеве пахавалі ўкраінскую журналістку, якая загінула ў расійскім палоне
У Кіеве на Байкавых могілках адбылося пахаванне ўкраінскай журналісткі Вікторыі Рошчынай, якая загінула падчас знаходжання ў палоне ў расейскім ізалятары. Перад пахаваннем прайшла паніхіда ў Міхайлаўскім саборы, а потым развітанне з журналісткай прайшло на Майдане Незалежнасці, паведамляе «Радыё Свабода».
Вікторыя працавала ў шэрагу вядомых украінскіх СМІ і была ўганараваная міжнароднай прэміяй за мужнасць у журналістыцы. У 2022 годзе яе ўпершыню затрымалі расійскія вайскоўцы на акупаваных тэрыторыях, але тады адпусцілі. Пазней, калі яна зноў спрабавала трапіць у зону баявых дзеянняў, знікла без вестак.
Толькі ў красавіку 2025 года яе цела вярнулі ва Украіну, аднак яно мела прыкметы катаванняў — былі адсутныя некаторыя ўнутраныя органы. Расейскі бок не даў тлумачэнняў родным пра абставіны яе смерці.
7 жніўня следчыя ва Украіне выставілі падазрэнне кіраўніку следчага ізалятара ў Таганрогу, дзе, паводле звестак, Вікторыю катавалі і здзекаваліся з яе. У ізалятары, як лічаць праваахоўнікі, дзейнічала сістэма рэпрэсій супраць украінцаў, нават сярод мірных грамадзян.
Следства працягваецца, і Украіна плануе судзіць адказных завочна па артыкулах, што прадугледжваюць адказнасць за жорсткае абыходжанне з цывільным насельніцтвам.
Зяленскі ўзнагародзіў закатаваную ў расійскім палоне журналістку
Стала вядома, як у Расіі жахліва катавалі ўкраінскую журналістку Вікторыю Рошчыну
«Важыла да 30 кілаграмаў». Украінскую журналістку, якая памерла ў расійскім палоне, катавалі
28-гадовая ўкраінская журналістка Вікторыя Рошчына памерла ў расійскім палоне
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары