Цяперашнія маладыя ў чатыры разы часцей хварэюць на рак аднаго месца. А маглі б аберагчыся
У людзей, народжаных у 1990-я, удвая большая рызыка захварэць на рак тоўстай кішкі і ў чатыры разы большая рызыка раку прамой кішкі, чым у дзяцей 1950-х. Даследаванне выявіла, чаму гэта так і што можна з гэтым зрабіць.
У перыяд з 2010 па 2019 год колькасць выпадкаў раку страўнікава-кішэчнага тракту вырасла на 14,8%. Рак прамой кішкі цяпер займае першае месца сярод прычын смерці ад раку ў мужчын ва ўзросце да 50 гадоў і другое месца — у жанчын гэтай узроставай групы. Большасць такіх відаў раку не звязаныя з атрыманымі ў спадчыну генетычнымі парушэннямі, піша Study Finds.
У амерыканцаў, якія нарадзіліся ў 1990-м, рызыка захварэць на рак прамой кішкі ў чатыры разы вышэйшая, а раку тоўстай кішкі — удвая вышэйшая, чым у тых, хто нарадзіўся ў 1950-м. Рак тоўстай кішкі з 2000 па 2017 стаў выяўляцца на 40% часцей сярод амерыканцаў, маладзейшых за 50 гадоў (8,4 выпадкаў на 100 тысяч чалавек супраць 5,9). Значна павялічыліся выпадкі ранняга з'яўлення і іншых відаў раку, звязаных са стрававальным трактам — падстраўнікавай залозы, страўніка і стрававода.
Даследчыкі выявілі, што на гэта ўплывае некалькі ключавых фактараў. Наймацнейшы фактар рызыкі — атлусценне. У людзей, у якіх індэкс масы цела вышэйшы за 30, рызыка ранняга коларэктальнага раку ўдвая вышэйшая.
Важныя і харчаванне ды лад жыцця, пішуць яны. На захадзе ядуць зашмат чырвонага мяса, перапрацаваных прадуктаў, белых булак і булачак і п'юць салодкія газіроўкі. У той час спажыванне садавіны і гародніны застаецца даволі нізкім, што павышае рызыку ўзнікнення раку. Алкаголь і курэнне таксама моцна ўплываюць на рызыку коларэктальнага раку. Уплывае на яго і маларухомы лад жыцця.
Яшчэ адзін фактар рызыкі — неалкагольная тлушчавая хвароба печані. Гэтае захворванне маюць ужо каля 25% дарослых па ўсім свеце, і хвароба распаўсюджваецца. Звязана гэта найперш з харчаваннем і ростам атлусцення.
Сістэмы аховы здароўя ў ЗША спрабуюць да гэтага адаптавацца. Аднак, зазначаюць аўтары, пры захаванні цяперашняй тэндэнцыі новае пакаленне непазбежна будзе хварэць на коларэктальны рак яшчэ больш і сутыкнецца з выклікамі, якіх раней не існавала.
«Наша Нiва» — бастыён беларушчыны
ПАДТРЫМАЦЬ
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары
Шмат праз кішэчнік працякае рознай хіміі.
Таму рак.
Але тая хімія трохі ратуе ад іншых хвароб.
Таму не ўсё так адназначна.