Каля 500 чалавек завіхаецца на комплексе ваеннай славы ў гонар аперацыі «Баграціён» у Светлагорскім раёне.
«Каля 300 тыс. жыхароў Гомельскай вобласці выйшлі на рэгіянальны суботнік». Такія даныя паведаміў журналістам старшыня Гомельскага аблвыканкама Іван Крупко, піша БелТА.
Каля 500 чалавек завіхаецца на комплексе ваеннай славы ў гонар аперацыі «Баграціён» у Светлагорскім раёне. Менавіта на рэканструкцыю гэтага комплексу і будуць накіраваны сабраныя падчас суботніка сродкі. Як расказаў Іван Крупко, рашэнне аб рэканструкцыі аб’екта прынялі ў мінулым годзе.
«Мы зрабілі праектна-каштарысную дакументацыю, прайшлі экспертызу і дакладна абазначылі, што павінна быць на аб’екце. У 2025 годзе прыступілі да рэканструкцыі. У сакавіку гэтага года правялі першы суботнік, сабралі каля Br5 млн. І фактычна з сакавіка па ліпень утварыўся (музейны) аб’ект, дзе будзе размешчана музейная экспазіцыя, прысвечаная аперацыі «Баграціён»», — адзначыў ён.
«Сёння, 16 жніўня, мы зноў праводзім абласны суботнік. Вельмі ўдзячныя ўсім, хто прымае ўдзел у добраўладкаванні, розных працах на аб’екце. Гэта і жыхары, і грамадскія арганізацыі Гомельскай вобласці, і дэпутаты Палаты прадстаўнікоў Нацыянальнага сходу Беларусі на чале з старшынёй Ігарам Сергеенка. Прыемна, што гэта маштаб усеагульнага аб’екта», — падкрэсліў старшыня аблвыканкама.
Па словах Ігара Сергеенкі, дэпутацыя Палаты прадстаўнікоў ад Гомельскай вобласці прапанавала паехаць у паўднёва-ўсходні рэгіён іншым дэпутатам, работнікам сакратарыята Палаты на абласны суботнік.
«Вялікі калектыў прыехаў, працуе разам з калектывамі вобласці. Уключыліся ў працу з баявым настроем. Асабліва важна, што вядзецца такая праца па ўвекавечанню памяці нашых продкаў на гэтых землях», — падкрэсліў старшыня Палаты прадстаўнікоў.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары