Канфлікты паміж суседзямі за доступ да крана, цыстэрны з тэхнічнай вадою і замена туалета на цэлафанавы пакет. Так выглядае паўсядзённае жыццё жыхароў Данецка пад уладай Уладзіміра Пуціна.
З ліпеня жыхары Данецка і вобласці пакутуюць ад перабояў з водазабеспячэннем. Афіцыйна ваду ў жылыя дамы падаюць па графіку адзін раз на некалькі дзён і толькі на некалькі гадзін.
Акрамя таго, улады арганізавалі падвоз тэхнічнай вады. У паведамленнях людзей папярэджваюць, што такую ваду нельга піць.
Як пішуць людзі ў мясцовых чатах, некаторыя не бачылі ў сябе ў кранах вады яшчэ з ліпеня.
Нярэдка ўзнікаюць канфлікты паміж суседзямі з-за вады. Людзі здымаюць краны з труб на ўрэзцы вадаправоду ў дом, каб іншым не ўдалося набраць ваду, а тыя, хто жыве побач з бочкай тэхнічнай вады, не падпускаюць людзей з іншых дамоў.
У адказ суседзі перасоўваюць бочку да свайго двара.
Вот такую картину можно наблюдать в одном из донецких дворов
Руководитель Управы Киевского внутригородского района Левченко заявил, что жители решили самовольно переместить емкость для воды на другое место. pic.twitter.com/J2UrEhj9re
Звычайную ваду з-пад крана даводзіцца купляць у кіёсках. Для патрэб туалета людзі выкарыстоўваюць поліэтыленавыя пакеты, сурвэткі і паперу: усё гэта кладуць у ўнітаз, каб калі-небудзь потым вынесці фекаліі, бо пакуль што змываць іх няма чым.
У чым карані праблемы
Водазабеспячэнне гістарычна было сур’ёзнай праблемай для Данбаса. У 1958 годзе быў пабудаваны водаканал «Северскі Данец — Данбас», які стаў асноўнай крыніцай вады для Данецкай вобласці. Таксама была створана сетка вадасховішчаў на выпадак надзвычайных сітуацый.
У 2022 годзе інфраструктура канала апынулася ў зоне актыўных баявых дзеянняў і атрымала сур’ёзныя пашкоджанні. У пачатку 2025 года паведамлялася, што ў раёне Часава Яра расійскія вайскоўцы выкарыстоўвалі калектар канала як сховішча ад украінскіх удараў, а затым падпалілі яго, каб схаваць свае страты.
Вясной 2023 года ў рэгіёне быў уведзены ў эксплуатацыю новы вадавод «Дон — Данбас». Аднак ён так і не выйшаў на праектную магутнасць і працуе нестабільна: абстрэлы з боку УСУ прыводзяць да перабояў, а на асобных участках здараюцца прарывы.
Акрамя таго, праз маласнежную зіму і анамальную спякоту ў ліпені і жніўні абмялелі ўсе ключавыя вадасховішчы рэгіёну.
Людзі запісваюць відэазвароты да кіраўніка «ДНР» Дзяніса Пушыліна, патрабуючы справядлівага размеркавання вады.
Жители Донецка в своём обращении к Пушилину просят соблюдения их прав и конституции. Они хотят, чтобы распределение воды было честным и добросовестным pic.twitter.com/t3bhe3eh0l
Па словах жыхароў, «бяздзейнічанне супрацоўнікаў «Вады Данбаса» і гарвадаканала, а магчыма, і карупцыя» прыводзіць да таго, што вадой забяспечаны гандлёва-забаўляльны цэнтр «Данецк-Сіці», на тэрыторыі якога знаходзіцца аўтамыйка, спартыўны клуб з душавымі, уласная вытворчасць супермаркета. А жыхары дзесяці суседніх дамоў пакутуюць ад адсутнасці вады «нават у дні падачы, нават на ўрэзках».
Па словах жыхароў, пасля шматлікіх скаргаў вада паступіла толькі адзін раз 4 жніўня, і жыхарам трох ніжніх паверхаў удалося набраць яе з крана. Пасля гэтай даты вады ніхто больш не бачыў. За вадой даводзіцца хадзіць на аўтамыйкі. Але там выдаюць на аднаго чалавека не больш за 5 літраў пітной вады і 10 літраў тэхнічнай.
Жыхары выказваюць здзіўленне, чаму ў такіх надзвычай цяжкіх умовах воднай катастрофы не ўводзіцца рэжым надзвычайнай сітуацыі, і выказваюць занепакоенасць, што крызіс не ўдасца вырашыць да зімы, і гэта сарве ацяпляльны сезон.
Палітычнае выкарыстанне праблемы
Кіраўнік «ДНР» Дзяніс Пушылін спрабуе выкарыстаць сітуацыю ў палітычных мэтах, ініцыяваўшы відэазварот да Пуціна і атрымаўшы аўдыенцыю.
На сустрэчы ён прызнаў да 60% страт вады праз «знос сетак» і адрапартаваў пра падвоз вады караванамі цыстэрнаў. Пры гэтым Пушылін заявіў, што водны крызіс можна вырашыць толькі ваенным шляхам — «пасля вызвалення Славянска і аднаўлення канала «Северскі Данец — Данбас».
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары
Забаўна бачыць у такіх сюжэтах кракадзілавы слёзы выціранаў "апалчэння", маўляў, прасціце, не за эта ваявалі. Не, якраз-такі за гэта. Піце, не абляпайцеся.
Так в Приднестровье, так в Осетии, Абхазии, так в Донбассе и почти так в Беларуси.
Русский мир захватывает новые территории, чтобы установить там нищету и беспросветицу.
Половина России так живёт.
Топятся по-чёрному, всюду выгребные ямы, а поля отданы под борщевик, крапиву и лебеду.