Пратэстоўцы падпалілі гатэль Hilton, рэзідэнцыю прэм’ера, прэзідэнта і будынак парламента ў Непале. У гэтай азіяцкай краіне ўчора ўспыхнулі масавыя пратэсты з-за блакіроўкі двух дзясяткаў месенджараў. Пратэсты назвалі рэвалюцыяй зумераў.
5 верасня мясцовыя ўлады заблакавалі YouTube, X (былы Twitter), Reddit, LinkedIn, WhatsApp, Facebook, Instagram. Урад запатрабаваў, каб усе платформы прызначылі ў краіне афіцыйных прадстаўнікоў, але не ўсе сацсеткі паспелі гэта зрабіць.
Учора тысячы маладых людзей выйшлі на вуліцы сталіцы краіны Катманду і зладзілі пратэсты. Сярэдні ўзрост пратэстоўцаў, паводле даных непальскіх СМІ, 15—25 гадоў.
Для разгону дэманстрантаў ужывалі слезацечны газ і адкрывалі агонь — у выніку загінулі 19 чалавек, больш за 500 пацярпелі, у тым ліку 28 паліцэйскіх.
На фоне пратэстаў быў часова закрыты аэрапорт у сталіцы Непала — Катманду, а ўсе рэйсы адменены.
Сёння ўрад заявіў, што не будзе блакаваць месенджары, а прэм’ер Непала Шарма Олі падаў у адстаўку. Усяго за некалькі гадзін да сваёй адстаўкі Олі заклікаў пратэстоўцаў да міру і стрыманасці, упрошваючы шукаць рашэнні шляхам дыялогу. Тым не менш, кіраўніка ўрада папрасіў пакінуць пасаду галоўнакамандуючы арміяй генерал Ашок Радж Сігдэль.
Арміі краіны давялося тэрмінова на верталётах эвакуяваць міністраў з аэрапорта.
Цяпер чытаюць
Лукашэнка: без гальштука ў размовах з пасланнікамі Трампа, у гальштуку з расійскімі губернатарамі7
Каментары
А калі спаліў міністэрства з міністрамі.
Будзе дыялёг і амністыя.