ДАІ Міншчыны паведамляе: сёння, 13 верасня, пад Мінскам і на ўездзе ў сталіцу будзе абмежаваны рух транспарту.
Так, на мемарыяльным комплексе «Курган Славы» у сувязі з правядзеннем мотапараду H.O.G. Rally з 9:00 да 12:00 з’езд з аўтадарогі Р-53 Слабада — Навасады на аўтадарогу Р-80 Слабада — Паперня будзе часова перакрыты.
Акрамя гэтага, на час праезду мотакалоны будзе абмежаваны рух спадарожных транспартных сродкаў на ўчастку аўтадарогі М-2 Мінск — Нацыянальны аэрапорт Мінск ад Кургана Славы да ўезду ў Мінск.
Дзяржаўтаінспекцыя Мінскай вобласці просіць кіроўцаў з разуменнем паставіцца да дадзенага мерапрыемства і рэкамендуе планаваць час і маршруты паездак з улікам прадстаўленай інфармацыі, па магчымасці адмовіцца ад паездак на асабістым транспарце і скарыстацца паслугамі грамадскага транспарту.
Каментары