У Беларусь прыедзе Лі Сі — адзін з кіраўнікоў Камуністычнай партыі Кітая, член Пастаяннага камітэта Палітбюро ЦК КПК. Акрамя таго, Лі Сі займае пасаду сакратара Цэнтральнай камісіі КПК па дысцыплінарнай праверцы. Пра гэта паведаміла агенцтва «Сіньхуа».
Лі Сі ўзначаліць дэлегацыю партыі, якая з 17 па 24 верасня наведае Грэцыю і Беларусь.
Паездка ў Грэцыю адбудзецца па запрашэнні партыі «Новая дэмакратыя», а ў Беларусь Лі Сі завітае па запрашэнні адміністрацыі Аляксандра Лукашэнкі.
Магчыма, невыпадкова тое, што кітайская дэлегацыя наведае Беларусь пасля таго, як міністр замежных спраў КНР Ван І 15 верасня пабывае ў Польшчы. Там ён плануе абмеркаваць з польскімі ўладамі пытанне закрытай мяжы з Беларуссю.
Кіраўнік МЗС Польшчы Радослаў Сікорскі заявіў, што падчас сустрэчы будзе заклікаць Кітай паўплываць на Расію, каб тая спыніла гібрыдныя атакі на Польшчу. Менавіта яны сталі прычынай таго, што транзіт кітайскіх тавараў у Еўропу праз Беларусь быў спынены, паведамляе Bloomberg.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары