Еўрапейскі суд пастанавіў, што ўсе краіны Еўрапейскага саюза павінны прызнаваць аднапольныя шлюбы, калі яны заключаныя легальна ў любой іншай дзяржаве ЕС — нават калі ўнутранае заканадаўства гэтай краіны такіх шлюбаў не прадугледжвае, піша Euronews.
Суддзі падкрэслілі, што адмова ў прызнанні такога шлюбу парушае права на свабоду перамяшчэння і на павагу да прыватнага і сямейнага жыцця, а таксама можа стварыць сур’ёзныя праблемы ў штодзённым, прафесійным і адміністрацыйным жыцці, прымушаючы зарэгістраваную пару фактычна жыць як сужыцелі.
Падставай для справы стаў выпадак двух грамадзян Польшчы, якія ў 2018 годзе ўзялі шлюб у Берліне, а вярнуўшыся дадому, папрасілі прызнаць гэты шлюб праз польскі ЗАГС. Ім адмовілі, бо ў Польшчы аднаполыя шлюбы не дазволены. Пара абскардзіла рашэнне, і пасля гэтага справа трапіла ў Еўрапейскі суд у Люксембургу.
Суд пастанавіў, што гэты шлюб павінен прызнавацца на тэрыторыі ўсіх 27 дзяржаў — членаў ЕС. На думку суддзяў, грамадзяне Еўрасаюза маюць права свабодна перамяшчацца і весці нармальнае сямейнае жыццё як у іншай краіне ЕС, так і пасля вяртання на радзіму. Таму, калі яны стварылі сям'ю за мяжой, дзяржава паходжання павінна прызнаць гэты факт.
Пры гэтым рашэнне не патрабуе, каб краіны змянялі свае ўнутраныя законы адносна аднаполых шлюбаў. Яно толькі абавязвае прызнаваць такія шлюбы, калі яны легальна заключаныя ў іншай краіне ЕС, без дадатковых бар’ераў або абмежаванняў.
Больш за палову краін Еўрасаюза ўжо дазваляюць аднаполыя шлюбы. Першай такой дзяржавай сталі Нідэрланды яшчэ ў 2001 годзе. Некаторыя краіны прызнаюць толькі грамадзянскія партнёрствы, але Польшча пакуль не прызнае і іх, нягледзячы на спробы ўрада ўмацаваць правы ЛГБТК+.
«Я сказаў «так». Украінскі спявак Melovin абвясціў пра заручыны з парамедыкам УСУ ФОТЫ
У Будапешце, нягледзячы на забарону, з рэкорднай колькасцю ўдзельнікаў прайшоў ЛГБТ-прайд
Блогер Vadimati распісаўся анлайн са сваім партнёрам, з якім разам ужо больш за 10 гадоў
Большасць студэнтаў БДУ лічыць прымальнымі гомасэксуальнасць і аднаполыя шлюбы
Беларускі пабраліся першым аднаполым шлюбам у Літве
Цяпер чытаюць
«Франак, адносіны паміж людзьмі могуць будавацца не толькі на маніпуляцыях». Пракоп‘еў даў водпаведзь Бяспалаву. І Вячорку45
Каментары