Новая карціна Пэдра Альмадовара – гімн жанчынам, якія падтрымаюць адна адну, разумеюць адна адну і даруюць адна адной, нягледзячы на ўсе інцэсты й трупы ў лядоўні
Вяртаньне (Volver)
Гішпанія, 2006, каляровы, 121 хв.
Жанр: Драма
Адзнака: 7,5 (з 10).
Раймунда, што абагаўляе памерлую маці, б’ецца за выжываньне: яна зьнясілена працуе, корміць мужа-лайдака, гадуе дачку. Пасьля таго як дачка зарэзала бацьку, што спрабаваў яе згвалціць, клопатаў дадалося. Сястра Раймунды – Соль – прывезла з Ля-Манчы ў багажніку машыны памерлую матулю.
Карціна Пэдра Альмадовара – гімн жанчынам, якія падтрымаюць адна адну, разумеюць адна адну і даруюць адна адной, нягледзячы на ўсе інцэсты й трупы ў лядоўні.
Жанчыны сустракаюцца, змагаюцца, моляцца. І нават памерлая вернецца з таго сьвету, каб дапамагчы дачцэ ды папрасіць прабачэньня.
У гэтым сьвеце – мужчыны залішнія: трыюмфуюць эмоцыі, сьлёзы й жаночы прагматызм.
Пэнэлёпа Круз – геніяльная ў галоўнай ролі, а Кармэн Маўра не пабаялася паказаць усе свае зморшчынкі.
Выбуховага альмадовараўскага сюжэту з залішкам хапіла б і на сотню фільмаў, але стрэмкаю ў сэрцы, насуперак цеплыні й сьлёзам, застаюцца ветракі Ля-Манчы. Халодныя й сталёвыя.
Але дон кіхотаў зьмянілі жанчыны.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары