Novaja karcina Pedra Almadovara – himn žančynam, jakija padtrymajuć adna adnu, razumiejuć adna adnu i darujuć adna adnoj, niahledziačy na ŭsie incesty j trupy ŭ ladoŭni
Viartańnie (Volver)
Hišpanija, 2006, kalarovy, 121 chv.
Žanr: Drama
Adznaka: 7,5 (z 10).
Rajmunda, što abahaŭlaje pamierłuju maci, bjecca za vyžyvańnie: jana źniasilena pracuje, kormić muža-łajdaka, haduje dačku. Paśla taho jak dačka zarezała baćku, što sprabavaŭ jaje zhvałcić, kłopataŭ dadałosia. Siastra Rajmundy – Sol – pryviezła ź La-Mančy ŭ bahažniku mašyny pamierłuju matulu.
Karcina Pedra Almadovara – himn žančynam, jakija padtrymajuć adna adnu, razumiejuć adna adnu i darujuć adna adnoj, niahledziačy na ŭsie incesty j trupy ŭ ladoŭni.
Žančyny sustrakajucca, zmahajucca, molacca. I navat pamierłaja vierniecca z taho śvietu, kab dapamahčy dačce dy paprasić prabačeńnia.
U hetym śviecie – mužčyny zališnija: tryjumfujuć emocyi, ślozy j žanočy prahmatyzm.
Penelopa Kruz – hienijalnaja ŭ hałoŭnaj roli, a Karmen Maŭra nie pabajałasia pakazać usie svaje zmorščynki.
Vybuchovaha almadovaraŭskaha siužetu z zališkam chapiła b i na sotniu filmaŭ, ale stremkaju ŭ sercy, nasupierak ciepłyni j ślozam, zastajucca vietraki La-Mančy. Chałodnyja j stalovyja.
Ale don kichotaŭ źmianili žančyny.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary