75‑гадовай мінчанцы патэлефанавалі на мабільны нібыта супрацоўнікі пенсійнага фонду, якія пад выглядам «пераразліку пенсіі» даведаліся пашпартныя даныя.
Затым з мінчанкай звязаўся ілжэправаахоўнік і паведаміў, што яе даныя выкарыстоўваюцца для здзяйснення незаконных фінансавых аперацый.
Даведаўшыся, што грошы пенсіянеркі і яе мужа захоўваюцца на банкаўскіх картках, суразмоўца пераканаў жанчыну «абараніць» іх і перадаць кур’еру 11 тысяч рублёў.
У сталічнай міліцыі нагадваюць: супрацоўнікі сацыяльных службаў, банкаў і праваахоўных органаў не запытваюць асабістыя даныя па тэлефоне і не патрабуюць перадаваць грошы. Пры атрыманні такіх званкоў неабходна спыніць размову і паведаміць пра здарэнне ў міліцыю.
У міліцыі раяць пагаварыць на гэтую тэму з пажылымі сваякамі, расказаць ім гэту гісторыю.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна3
Каментары