Галоўчанка: Праз год ЗВР Беларусі павінны скласці не менш за 9,2 млрд даляраў
Золатавалютныя рэзервы Беларусі па выніках 2026 года павінны скласці не менш за $9,2 млрд. Пра гэта заявіў старшыня праўлення Нацбанка Раман Галоўчанка па выніках пасяджэння праўлення, на якім былі зацверджаны асноўныя напрамкі грашова-крэдытнай палітыкі Беларусі на 2026 год, піша БелТА.
«Паказчык золатавалютных рэзерваў на 2026 год — не менш за $9,2 млрд, бо цэны валацільныя, у прыватнасці на металы, а таксама наперадзе пагашэнне дзяржаўнага доўгу. Не менш за $9,2 млрд — гэта бяспечны паказчык. Калі будзе больш — то добра», — сказаў Раман Галоўчанка.
Па выніках 2024 года золатавалютныя рэзервы выраслі да $9 млрд даляраў, а ў сакавіку 2025 года ўзялі планку ў $10 млрд даляраў. У маі — 11 млрд, у жніўні — 12 млрд, у верасні — 13 млрд.
На 1 снежня 2025 года, золатавалютныя рэзервы Беларусі павялічыліся да $13,9 млрд.
Каментары