«Ёсць рэальная перспектыва завяршыць вайну». Зяленскі зрабіў аптымістычную заяву пасля размовы з Трампам
Прэзідэнт Украіны правёў тэлефонную размову з амерыканскім лідарам Дональдам Трампам. Па выніках гутаркі Уладзімір Зяленскі паведаміў, што бачыць магчымасць завяршэння вайны і анансаваў асабістую сустрэчу на будучым саміце НАТА.
Як паведаміў Уладзімір Зяленскі ў сваім афіцыйным тэлеграм-канале, 4 ліпеня, у Дзень незалежнасці ЗША, ён патэлефанаваў Дональду Трампу. Па словах украінскага прэзідэнта, у іх адбылася «вельмі добрая размова».
Зяленскі выказаў падзяку Злучаным Штатам за ўсю аказаную дапамогу, «ад «джавелінаў» і «пэтрыётаў» да палітычнай падтрымкі».
«Мы надзвычай цэнім тое, што Амерыка падтрымлівае нас у абароне нашай незалежнасці», — дадаў ён.
Галоўная частка паведамлення тычылася абмеркавання сітуацыі на фронце і дыпламатычных перспектыў.
«Ёсць рэальная перспектыва завяршыць гэтую вайну, і рашучасць Амерыкі будзе мець вырашальнае значэнне», — заявіў украінскі прэзідэнт.
Таксама ён паведаміў, што дамовіўся з Дональдам Трампам працягнуць размову асабіста падчас саміту НАТА, які пройдзе ў Анкары.
«Дзякуй, Амерыка! Дзякуй, спадар Прэзідэнт!», — завяршыў свой допіс Зяленскі.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»33
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2525
Каментары