«Гэта не рыба, а кавалак золата». Беларусы абураныя цаной скумбрыі
Для многіх пакупнікоў цана на звыклую рыбу стала сапраўдным шокам.
У адной з крам Беларусі звычайны паход па прадукты нечакана ператварыўся ў нагоду для заўзятага абмеркавання ў сеціве. Беларуска звярнула ўвагу на цэннік: вэнджаная скумбрыя — 48,5 рубля за кілаграм. Побач — буйны акунь тым жа коштам, піша BGmedia.
Для многіх пакупнікоў такая цана звыклай рыбы стала сапраўдным шокам. Яшчэ нядаўна скумбрыя лічылася даступным варыянтам да стала — і на бутэрброд, і да свята.
Цяпер жа, як жартуюць людзі, «гэта не рыба, а кавалак золата».
У каментарыях карыстальнікі не хаваюць абурэння ды іроніі.
«Скумбрыя і праўда з’ехала з глузду».
«Паглядзіш на цану — і адразу апетыт знікае».
«Раней казалі: даляр вырас. А цяпер што вырасла? Даляр падае, а цэны — космас».
«У краму ходзім як у музей: паглядзеў і сышоў».
«Гэта не скумбрыя дарагая, гэта мы мала зарабляем».
«Каб Новы год сустрэць, трэба цэлы год адкладваць грошы».
«Перад святамі цэны заўсёды паднімаюць. Але сёлета — гэта проста піпец».
«У Еўропе перад Калядамі цэны зніжаюць, каб кожны мог накрыць стол. А ў нас — наадварот».
«Ніхто не прымушае купляць — так, але есці што?» — пішуць каментатары.
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў1
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары
- Згодзен, калі нічога не набываць, то кошты нармалёвыя.
Спадарства, сярэдняя пенсія 980рублёў, сярэдні заробак 3200рублёў, так Белстат кажа. Добра жывем, вельмі добра, бо нічога добрага не бачылі.