У Мінску будуць судзіць 36‑гадовага жыхара сталіцы, які вырашыў даказаць знаёмым сваю вартасць спецыфічным чынам. За голы забег па вуліцы Байкальскай яму пагражае да трох гадоў зняволення, паведамляюць «Мінск-Навіны».
Гісторыя здарылася познім лістападаўскім вечарам. Мужчына выпіваў у кампаніі каля аднаго з дамоў. Падчас гутаркі завязалася спрэчка: ці зможа ён прабегчыся па вуліцы зусім без адзення. Мінчук палічыў, што яго бяруць «на слабо», распрануўся і пабег у бок суседняй школы.
Аднак спартыўны імпэт хутка знік праз холад. Праз нейкі час ён так змёрз, што паспрабаваў вярнуцца, але не змог згадаць, дзе пакінуў свае рэчы.
Тады голы мужчына пабег да прыяцеля на вуліцу Ангарскую. Дзверы яму адчыніла сужыцелька таварыша, якая разам з яго маці стала сведкай незвычайнай карціны: незнаёмец без адзення ўварваўся ў кватэру, пачаў бегаць па пакоях, потым загарнуўся ў плед на чужым ложку, а пасля стаў шукаць сабе штаны ў іх шафе.
Міліцыю выклікалі відавочцы, якія бачылі аголенага мінчука яшчэ на вуліцы. Яго затрымалі. Высветлілася, што ў мужчыны ўжо ёсць непагашаная судзімасць за спробу грабяжу ў 2023 годзе.
Цяпер мужчыну абвінавачваюць у хуліганстве. Пракуратура падкрэсліла, што яго дзеянні адзначыліся «выключным цынізмам».
Цяпер чытаюць
Што вядома пра затрыманых радыёаматараў, якім пагражае аж да расстрэлу12
Каментары