У 83 гады пайшоў з жыцця былы футбаліст і трэнер Юрый Пышнік. Пра гэта стала вядома журналістам «Трыбуны».
У часы СССР Юрый Пышнік быў гульцом камандаў «Беларусь» (цяпер «Дынама» Мінск) і «Спартак» (цяпер «Гомель»), а таксама гродзенскага «Нёмана».
На пасадзе трэнера ўжо ў незалежнай Беларусі ён узначальваў зборную U-16, з якой у 1994 годзе выйшаў у фінальную частку юнацкага чэмпіяната Еўропы, а на працягу наступных 10 гадоў быў галоўным трэнерам Рэспубліканскага вучылішча алімпійскага рэзерву.
Сярод яго выхаванцаў — такія вядомыя ў беларускім футболе людзі, як Ігар Крывушэнка, Генадзь Туміловіч, Віктар Ганчарэнка, Аляксандр Ермаковіч, Вадзім Скрыпчанка, Віталь Кутузаў, Юрый Жаўноў, Сяргей Кісляк, Аляксандр Мартыновіч і многія іншыя.
Уласныя дзеці Юрыя Пышніка, Сяргей і Андрэй, таксама сталі футбалістамі, а пасля трэнерамі.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў1
Каментары