Мясцовыя расійскія ўлады паведамілі пра ўзгаранні на прамысловых аб’ектах, а таксама перабоі з электрычнасцю.
У ноч на 5 лістапада ў Разанскай вобласці адбылася атака беспілотнікаў. Мясцовыя жыхары паведамлялі пра шматлікія выбухі, працу супрацьпаветранай абароны і гукі дронаў.
Выданне ASTRA па адкрытых звестках вызначыла, што гарыць менавіта Разанскі нафтаперапрацоўчы завод.
Гэта адно з найбуйнейшых нафтаперапрацоўчых прадпрыемстваў Расіі, якое ўваходзіць у «Раснафту». Яго магутнасць — каля 17—18 мільёнаў тон нафты за год. Завод выпускае бензін, дызельнае паліва, авіяцыйную газу і іншыя нафтапрадукты, забяспечвае палівам Маскву і цэнтральныя рэгіёны Расіі.
Прадпрыемства таксама вырабляе паліва для расійскага войска. У прыватнасці, раней яно паведамляла пра распрацоўку бензіну з дадатковымі патрабаваннямі для вайсковай тэхнікі.
Губернатар вобласці Малкоў пацвердзіў масіраваную атаку дронаў, але канкрэтных прадпрыемстваў, дзе пачаліся пажары, не назваў.
«На тэрыторыі прамысловых аб’ектаў у Разані адбыліся ўзгаранні. Пашкоджаныя лініі электраперадачы, у частцы горада назіраюцца перабоі з электразабеспячэннем», — напісаў ён.
Паводле губернатара, адзін чалавек атрымаў раненні.
Акрамя таго, мясцовыя жыхары паведамляюць пра пажар у лагістычным цэнтры Wildberries каля Разані. Гэта інфармацыя пакуль не пацверджаная.
Разанскі НПЗ ужо трапляў пад атакі дронаў. Пасля налёту 15 кастрычніка там пачаўся пажар і спынілася асноўная ўстаноўка першаснай перапрацоўкі нафты.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна42
Каментары