У былой вёсцы Вяснінка (у Драздах-2) у верасні купілі дом за 1,1 мільёна даляраў. Катэдж аказаўся самым дарагім домам Мінска сярод прададзеных у мінулым месяцы, піша Realt.by.
Што тычыцца самага дарагога дома ў горадзе, то па выніках верасня ім стаў блочны катэдж 2020 года плошчай 291 квадратны метр. Яго прадалі за 1,1 мільёна даляраў, гэта значыць квадратны метр ацанілі ў 3776 даляраў.
Цяпер у гэтым кутку Мінска прадаюцца яшчэ чатыры дамы коштам ад 193 тысяч да 6,5 мільёна даляраў.
У лік самых дарагіх у сталіцы ў верасні таксама трапілі катэджы ў Зацені — на вуліцах Прыветлівай і Ермака. Дамы былі прададзеныя за 447 і 350 тысяч даляраў адпаведна.
Каментары