Палітвязню Ціхану Осіпаву другі раз хочуць павялічыць тэрмін зняволення
Супраць Ціхана Осіпава зноў распачалі крымінальную справу за нібыта злоснае непадпарадкаванне адміністрацыі калоніі. Пра гэта паведаміла былая палітзняволеная Антаніна Канавалава.
Ціхана затрымалі 11 жніўня 2020 года падчас акцыі пратэсту каля станцыі метро «Пушкінская». Следства сцвярджала, што ён на аўтамабілі наехаў на пяцярых вайскоўцаў унутраных войскаў. Суд прызначыў яму 11 гадоў пазбаўлення волі, а пасля да гэтага тэрміну яму дадалі яшчэ 7 месяцаў.
Паведамляецца, што Осіпаў правёў больш за 200 дзён у штрафным ізалятары. Улетку 2024 года яго на паўгода змясцілі ў памяшканне камернага тыпу, а пасля зноў на два месяцы адправілі ў ШІЗА. Ён не атрымлівае ні лістоў, ні перадач.
Паводле слоў Канавалавай, стан здароўя Ціхана выклікае сур’ёзную заклапочанасць. У яго праблемы з засваеннем ежы, болі ў вачах, частае сэрцабіцце, перапады ціску і аслаблены імунітэт. Кожны дзень утрымання ў такіх умовах можа пагоршыць яго стан і прывесці да незваротных наступстваў.
«Не, я не змірылася». Гэты палітвязень атрымаў 11 гадоў — пачытайце, як яго чакае жонка
Палітвязню Ціхану Осіпаву, якога ўжо асудзілі на 11 гадоў, дадалі яшчэ сем месяцаў калоніі
Сышоў у адстаўку суддзя, які адмовіўся судзіць палітвязня па спушчаным зверху артыкуле. Падрабязнасці
Памятаеце суддзю Мінгарсуда, які адмовіўся судзіць палітвязня і звольніўся? Вось дзе ён цяпер
У Мінску адбыліся масавыя затрыманні выдаўцоў і кнігараспаўсюднікаў33
Каментары