Ізраільскія вайскоўцы абвясцілі пра пачатак нанясення ўдараў па пазіцыях «Хезбалы» ў Ліване.
Гэтыя дзеянні з'яўляюцца «адказам на абстрэлы Ізраіля «Хезбалой», гаворыцца ў заяве.
Паводле звестак агенцтва Reuters, відавочцы паведамілі аб ударах у паўднёвых прыгарадах Бейрута.
Армія абароны Ізраіля заклікала жыхароў больш за 50 вёсак у Ліване эвакуявацца пасля таго, як падтрыманая Іранам «Хезбала» абстраляла Ізраіль ракетамі.
«У мэтах вашай бяспекі вы павінны неадкладна эвакуіравацца са сваіх дамоў і перамясціцца як мінімум на 1000 метраў ад вёсак у адкрытыя месцы», — гаворыцца ў папярэджанні.
«Любы, хто знаходзіцца побач з членамі «Хезбалы», яе аб'ектамі ці ваеннымі сродкамі, падвяргае сваё жыццё небяспецы», — гаворыцца ў заяве Ізраіля.
Каментары