Некаторыя амерыканскія сістэмы супрацьпаветранай абароны былі перакінутыя з Еўропы на Блізкі Усход з-за вайсковага канфлікту ЗША і Ізраіля з Іранам. Пра гэта паведаміў амерыканскім заканадаўцам камандуючы аб’яднанымі сіламі НАТА ў Еўропе генерал Алексус Грынкевіч.
Падчас слуханняў у камітэце Сената ЗША па ўзброеных сілах генерал Грынкевіч растлумачыў, што частку сістэм супрацьпаветранай абароны, якія знаходзіліся ў зоне адказнасці Еўрапейскага камандавання ЗША, выкарысталі для абароны саюзнікаў НАТА ва ўсходняй частцы Міжземнага мора. Адказваючы на пытанне сенатара Ангуса Кінга, ці сапраўды гэтыя сістэмы былі перамешчаныя з Еўропы на Блізкі Усход, генерал гэта пацвердзіў.
Раней Міністэрства абароны Турцыі паведамляла, што сілы НАТА збілі балістычную ракету, якая была запушчаная з тэрыторыі Ірана і рухалася ў бок турэцкай паветранай прасторы. Іран адмаўляў, што запускаў ракеты ў напрамку Турцыі. Праз некалькі дзён турэцкае вайсковае ведамства паведаміла яшчэ пра адзін падобны выпадак, калі ракета таксама была знішчана.
Сумесная аперацыя ЗША і Ізраіля супраць Ірана працягваецца з 28 лютага. Падчас удараў па Тэгеране загінуў 86‑гадовы вярхоўны лідар краіны аятала Алі Хаменеі, а таксама былі ліквідаваныя некаторыя іншыя іранскія высокапастаўленыя чыноўнікі.
У адказ Іран нанёс удары па Ізраілі і выпусціў сотні ракет і беспілотнікаў па краінах Персідскага заліва. У выніку атак былі пашкоджаныя амерыканскія вайсковыя базы, дыпламатычныя прадстаўніцтвы і нафтавыя аб’екты.
Маджтаба Хаменеі выступіў з першым зваротам у якасці вярхоўнага лідара Ірана. Яго пачулі, але не пабачылі
У ЗША знік генерал, які кіраваў сакрэтнымі праграмамі Пентагона
Расія папярэджвала Алі Хаменеі пра ўдар, але той нібыта абраў пакутніцкую смерць
Ізраіль заявіў пра ўдар па ядзерным цэнтры пад Тэгеранам
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары