Памілаванага і дэпартаванага ўкраінца, які два гады быў у калоніі Шклова, мабілізавалі на фронт
Аляксандра Катовіча забралі ў войска 19 лютага.
Жыхара Адэсы Аляксандра Катовіча, які правёў больш за два гады ў шклоўскай калоніі праз крытычныя каментары ў адрас беларускай улады, на радзіме мабілізівалі на фронт, паведамляе «Еўрарадыё».
Аляксандра сілавікі абвінавачвалі ў стварэнні канала «Беларусь за МКАДам». Але гэта не так — ён толькі пісаў там каментары ў чаце. Мужчыну вызвалілі і абмянялі з іншымі грамадзянамі Украіны ў лістападзе 2025 года.
Катовіч распавёў, што яго забралі ў войска 19 лютага. Гэта значыць, што ён так і не атрымаў ад украінскіх уладаў статуса пацярпелага ад палітычнага пераследу краіны-агрэсара.
Гэты статус дае грамадзянам Украіны права на медыцынскую рэабілітацыю і афіцыйную адтэрміноўку ад вайсковай службы. Катовіч патлумачыў, што ён не паспеў падаць прашэнне і зараз над яго справай працуе адвакат.
Украінскі праваабаронца Уладзімір Яворскі раней тлумачыў «Еўрарадыё», што сітуацыя з прызнаннем статусу цывільных асоб, якія знаходзіліся ў беларускім палоне або ў беларускіх месцах пазбаўлення волі, з’яўляецца даволі складанай і неадназначнай.
«Акрамя таго, атрыманне статусу наўпрост звязана з паняццем «дзяржава-агрэсар». На сёння такой афіцыйна прызнана толькі Расійская Федэрацыя. Беларусь фармальна ў гэты пералік не ўваходзіць».
Тым не менш на практыцы ўжо былі выпадкі, калі людзям, вызваленым з месцаў пазбаўлення волі ў Беларусі, усё ж прысвойвалі адпаведны статус.
«Гэта сістэмная праблема, звязаная з тым, што механізм працы камісіі распрацоўваўся яшчэ да поўнамаштабнага ўварвання і не быў разлічаны на цяперашнія маштабы», — падкрэсліваў Яворскі.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары
Все, кто прошёл лукашистские тюрьмы, знают это.
О чем думал, когда , будучи гражданином Украины и живя в стране-союзнице России, привлекал к себе внимание?
В Беларуси хватали даже без причин граждан Украины, приписывая им шпионаж, а тут сам напросился