16 сакавіка ў Лунінецкую раённую інспекцыю прыродных рэсурсаў і аховы навакольнага асяроддзя паступіла паведамленне пра гібель рыбы ў сажалках Боханава ў горадзе Лунінец, паведаміла Мінпрыроды Беларусі.
Супрацоўнікі інспекцыі разам з іншымі службамі выехалі на месца і агледзелі берагавую лінію. Падчас першапачатковай праверкі магчымых крыніц забруджвання вадаёма не выявілі.
Спецыялісты Пінскай міжраённай лабараторыі аналітычнага кантролю ўзялі пробы вады для даследавання. Камунальнае прадпрыемства «Лунінецкая ЖКГ» арганізавала збор і ўтылізацыю загінулай рыбы.
Паводле папярэдніх тлумачэнняў, прычынай гібелі рыбы мог стаць недахоп кіслароду ў вадзе. Зімой з-за працяглых маразоў на вадаёмах утварыўся лёд таўшчынёй да 40—50 сантыметраў, што пагоршыла кіслародны рэжым у вадзе.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая68
Каментары